sudan-president-interim_council-run-affairs-country-president-omar-al-bashir-house_arrest

سوڈان : ملکی امور چلانے کے لیے عبوری کونسل کی تشکیل ، صدر عمر البشیر نظر بند

سوڈان : ملکی امور چلانے کے لیے عبوری کونسل کی تشکیل ، صدر عمر البشیر نظر بند

دبئی 11اپریل ( آئی این ایس انڈیا )

العربیہ نیوز چینل کے ذرائع کے دعویٰ کے مطابق :’جمعرات کے روز بتایا ہے کہ سوڈان میں فوج نے ملک کے انتظامی امور چلانے کے لیے جنرل عوض بن عوف کی سربراہی میں ایک عبوری کونسل تشکیل دے دی ہے، واضح ہو کہ ہم اس کی تصدیق نہیں کرسکتے‘ ۔ جنرل عوض سبک دوش ہونے والے صدر عمر البشیر کے نائب اول اور سوڈان کے وزیر دفاع ہیں۔ ملک کے کئی موجودہ اور سابق سرکاری عہدے داران کو گرفتار کر لیا گیا ہے۔ گرفتار ہونے والوں میں سابق وزیر دفاع عبد الرحیم محمد حسین، نیشنل کانگریس پارٹی کے نامزد سربراہ احمد ہارون اور صدر عمر البشیر کے سابق نائب علی عثمان محمد کے علاوہ عمر لابشیر کے ذاتی محافظین شامل ہیں۔ اخباری ذرائع کا کہنا ہے کہ صدر عمر البشیر کو نظر بند کر دیا گیا ہے۔دوسری جانب یہ بھی بتایا جا رہا ہے کہ دارالحکومت خرطوم کے ہوائی اڈے کو پروازوں کی آمد و ورفت کے لیے بند کر دیا گیا ہے۔ملک میں اقتدار کی تبدیلی کے حوالے سے سوڈانی فوج کی جانب سے ایک اہم بیان جلد جاری کیا جائے گا۔

اس خبر پر اپنی رائے کا اظہار کریں

اپنا تبصرہ بھیجیں